Претседателот на Народната странка на Србија, Вук Јеремиќ изјави денеска дека бугарското вето на патот на Македонија кон Европската Унија (ЕУ) е „скандалозно“ и би можело да има последици врз европските интеграции на целиот регион. Притоа ја повика ЕУ да го поддржи јужниот сосед во тој процес.
– Северна Македонија заради ветувањата за европска иднина, на инсистирање на Грција, со согласи дури и да го промени името на државата, а сега Бугарија ѝ бара да се понижи така што ќе се согласи со тврдењето дека неа треба да и се заблагодари за својот јазик и култура. Тоа е драматична порака која би можела во голема мера да ја релативизира европската мантра за добрососедски односи, рече Јеремиќ на сесијата на Варшавскиот безбедносен форум „Стратешки ривалитет? ЕУ, Русија и Кина на Западниот Балкан“.
