Владата предлага продолжување на рокот за кризна состојба до 30 јуни

0
45

Оттаму потврдија дека ќе достават до Собранието предлог за продолжување на рокот за постоење на кризна состојба до 30 јуни 2021 година, согласно предлогот и направената процена од Центарот за управување со криза.

,,Владата на денешната редовна 25-та седница го усвои предлогот на Управувачкиот комитет за координација и управување во системот за управување со кризи и го утврди текстот на Предлог – одлуката за одобрување на продолжување на рокот за постоење на кризна состојба на територијата на Македонија, се наведува во владиното соопштение.

Со владина одлука ќе се отвораат и скијачките центри, но по посебни протоколи. Редари ќе треба даконтролираат да не се прави гужва пред билетарниците и ски центрите, додека работата на угостителските објекти на терените ќе се ограничи само на отворен простор и со шалтерска продажба со прибор за еднократна употреба.

По девет месеци епидемија од коронавирусот и вкупен број од 1792 починаати владата денеска го појасни протоколот за погреб на починатите од ковид 19 истакнувајќи дека не е правно нормирано тие да се закопуваат во метални сандаци.

,,Подготовка, завиткување, транспорт и закопување на мртво тело кое починало од заразната болест КОВИД-19 не е утврдено дека се врши во затворен и залемен метален сандак ниту во Правилникот за условите и начинот за закопување, ископување и пренос на умрено лице, ВЕЛАТ ОД Владата.

На агендата се враќа и изградбата на нов клинички центар. Владата на предлог на министерството за здравство го утврди предлог законот предлог законот за реализација на проектот „Нов Универзитетски клинички центар”. Предлог законот опфаќа и реализација на дополнителни инфраструктурни услови за третман и сузбивање на заразни болести и инфекции заради заштита на населението од заразни болести, објаснуваат од Владата.