Почина италијанската легенда Паоло Роси

Легендарниот италијански фудбалер, Паоло Роси, почина на 64 годишна возраст. Херојот на Италија од СП во 1982 година, работеше во националната телевизија РАИ. Веста за неговата смрт, утрово во 1:30 часот, прв ја објави неговиот колега Енрико Вариале.

„Тажни вести. Не напушти Паоло Роси. Незаборавниот Паблито кој сите не натера да се вљубиме во него, летото во 1982 година и кој беше ценете колега на РАИ во изминатите години. Почивај во мир“, напишал Вариале.

Потврда за смртта на Роси набргу стигнала и од неговата сопруга Федерика.