Државата ќе спроведе попис по цели 19 години од последниот успешен попис реализиран во 2002 година.
Во Собранието на продолжението на 29. седница денеска со 62 гласа „За“ е изгласан Предлог законот за попис на населението, домаќинства и становите во Република Северна Македонија.
Освен владејачката коалиција, поддршка за Законот најавија и од партиите Алијанса за Албанците и Алтернатива, додека пак против законот беше опозициската ВМРО-ДПМНЕ, од каде најавија дека ќе побараат негово поништување преку собирање на потписи од граѓаните.