По изјавата на владиката Петар денеска за телевизија Алфа дека епархиите на МПЦ-ОА ќе го повикаат народот да го бојкотира пописот, ако на пописните листи не постои графа за национална и верска припадност се огласи министерот за правда, Бојан Маричиќ.
„На пописот во април ќе има графа за национална и верска припадност. Очекувам сега, владиката Петар, за доброто на државата да ги повика верниците масовно да го поддржат пописот“, напиша Маричиќ на Твитер.
