Св. Јован Бигорски за Божик ќе биде затворен за верниците, информираат од таму.
„Ве известуваме дека поради поради постојната пандемија на Ковид-19, а согласно мерките и препораките на Министерството за здравство, како и на Светиот Архиерејски Синод на МПЦ-ОА, Христовото Рождество во Свештената Бигорска Обител ќе се празнува со строго запазување на предвидениот протокол за заштита, односно со држење на соодветно растојание и ограничување на бројот на присутни.
Со оглед на тоа што на бдението ќе присуствуваат братството на манастирот, останатите негови жители, како и сестрите од сестринските манастири, веќе е пополнет максималниот број на присутни, согласно препораките.
Од таа причина, бдението ќе биде пренесувано во живо на нашиот YouTube канал и на нашата страница на Facebook„, велат од таму.
