Министерот за здравство Венко Филипче попладнево изјави дека во тек се преговори за набавка на 200 илјади дози од кинеските вакцини.
– Очекуваме детали да имаме во следните неколку денови, инаку станува збор за 200 илјади дози кои планираме да стигнат од Кина. Сите 200 илјади дози треба да стигнат веднаш, а тоа што го чекаме како детали овој период којшто е пред нас е точното време во кое треба да пристигнат, изјави Филипче за телевизија Сител.
