Кратерите предизвикани од земјотресите во Петриње и натаму се шират

Најголемата дупка што се отвори во земјата во хрватското село Меченчани, во близина на Петриња по земјотресот во таа област, продолжува да се шири.

Станува збор за рушење настанато од комбинација на суфозија и кршење на варовничка карпа под тло натопено со вода. Се испираат ситните честици и се создаваат шуплини, а потресот бил причина тоа да се случи во вакви димензии – рекол за Хина, Јосип Терзиќ, началник на Заводот за хидрогеологија и инженерска геологија на Хрватскиот геолошки институт.

Тој додал дека од обиколката на подрачјето во околина на селата меѓу Петриње и Хрватска Костајница, пријавени се триестина дупки, од кои некои се непосредно во близина на куќи, или како оваа најголемата, на нива.