По една година предистрага: Конечно уапсени креаторот и администраторот на ланската „Јавна соба“, за оваа се уште ниш

0
49

Креаторот и администраторот на групата „Јавна соба“, која на Телеграм беше активна минатата година, од вчера се уапсени, а денеска Обвинителството отвори истрага против двете лица на возраст од 32 и 21 година за кривичното дело производство и дистрибуција на детска порнографија.

Со денешното отворање истрага за случајот, завршува предистражната постапка која траеше една година, за која Обвинителството во денешното сооштение се правда дека траела долго, бидејќи бил комплексен случај со многу учесници и жртви на злоупотреби.

Во истото соопштение ЈО вели дека врз основа на пријави од оштетени и жртви за определени членови на групата „Јавна соба“ се води предистрага за сторено кривично дело, кое се гони по службена должност.​ Притоа се охрабруваат оштетените и жртвите од овој и слични настани да ги пријавуваат во МВР.

Додека обвинителството водеше предистрага за скандалозната „Јавна соба“ од лани, на почетокот на годинава се појави и „Јавна соба 2“ со нови жртви. Во овој случај досега се уапсени 4 лица.

Вчера министерот за внатрешни работи Оливер Спасовски рече дека до денеска треба да заврши вештачењето на телефоните по што сето тоа ќе биде предадено во Обвинителството.