Како што се приближува невремето до Средоземното море, тоа може да повлече повеќе влага, што ќе доведе до обилни дождови и бури низ цела Италија и долж западниот брег на Балканскиот полуостров.
Американскиот метеосервис „AccuWeather“ објави пролетна прогноза за Европа за 2021 година.
Вестите не се најдобри – се очекува невремето да го следи патот од Франција преку Италија до Балканот, особено во текот на март. Метеоролозите од „AccuWeather“ забележале дека ова ќе биде прилично необичен образец за пролетта. Како што се приближува невремето до Средоземното море, тоа може да повлече повеќе влага, што ќе доведе до обилни дождови и бури низ цела Италија и долж западниот брег на Балканскиот полуостров. Тоа може да го зголеми ризикот од поплави до почетокот на пролетта, особено во областите кои беа преплавени од дожд кон крајот на 2020 година.
Температурите беа под нормалата на Пиринејскиот полуостров во текот на доцната зима, наведува метеорологот Алан Реперт и додава дека ова може да се промени до крајот на пролетта, а за таа временска рамка се предвидуваат и температури близу и над нормалните.
По една од најснежните зимски сезони во последните најмалку 5 години во северозападна и централна Европа, вклучувајќи ја и првата „соодветна снежна бура“ за Холандија по повеќе од една деценија, многу Европејци можеби со нетрпение ја очекуваат пролетта и враќањето на топлото и сончево време.
„Пролетта ќе доцни, но нема да биде ускратена“, смета метеорологот Тајлер Ројс.
Драматичната промена на времето може да предизвика алергии, особено за оние кои се алергични на полен од дрвја, кон крајот на април до мај поради комбинација на поблаго време и обилна влажност, наведува Реперт. Бурното време кон крајот на април и мај може да предизвика премногу дожд за да се овозможат собири на отворено.
За Источна Европа се предвидува топло време во текот на пролетта, но регионот сè уште може да поднесе студен удар – што може да трае неколку дена пред да се вратат потоплите услови.
Генерално топлото време може да биде добредојдено за многумина кои се надеваат дека ќе излезат по зимските месеци, но Ројс предупредува дека заканата од снег може да произлезе од повремените студени налети напролет. Низ целиот регион постои поголем ризик од снежни врнежи во доцната сезона – воглавно во март – во споредба со последните години
