Осумнаесетгодишниот син на српскиот политичар од Косово, Ненад Рашиќ, бил претепан вчера во дворот на средното училиште во Лапље Село во близина на Грачаница, откако завршил со часовите и го напуштил училиштето, потврди Рашиќ.
Никола Рашиќ, син на Ненад Рашиќ, бил претепан од неколку лица.
„Тој беше претепан, здравствената состојба на момчето е добра“, изјави Рашиќ за медиумите во Приштина, пренесува „Косово онлајн“.
Косовската полиција соопшти дека привела осум лица како осомничени, од кои едно е малолетничко.
„Продолжуваме да работиме на расветлување на околностите и мотивите на инцидентот“, соопшти косовската полиција.
Младиот човек моментално е во болница, потврди и косовската полиција.
Во изјава за приштинските медиуми, Ненад Рашиќ изјави дека неговиот син бил претепан со метални предмети и дека се здобил со сериозни повреди на лицето и главата и дека му се скршени забите, пренесува „Коссев“.
Duboko sam užasnut linčom oko 30 osoba Srba nad sinom Nenada Rašića srpskog političara na KiM. Ne ulazeći u Nenadove stavove, dete je prebijano metalnim šipkama, bokserima, izbijeni su mu zubi, unakaženo lice. Ovaj užasni zločin mora biti kažnjen. Ovi ljudi nisu Srbi već neljudi. pic.twitter.com/jzmUkaj5I3
— Sava Janjic (@SavaJanjic) February 23, 2021
