Дека Врање е новото жариште на коронавирус денеска потврди и професор д-р Бранислав Тиодоровиќ, член на кризниот штаб на Србија кој предупреди дека доколку бројката продолжи да расте, во овој град но и останати им за заканува целосно затворање на рестораните и кафичите.
Иако угостителските објекти не се главната причина за жариштето, според епидемиолозите постојат уште две причини: еден е доаѓањето на туристи од Македонија на шопинг и провод во овој дел од Србија, но и последиците од новиот британски сој на коронавирус.
Д-р Тиодоровиќ во гостување на емисијата „Београдска хроника“ рече дека можно е една од причините да биде тоа што државјани на Северна Македонија масовно доаѓаат на шопинг во Врање.
Како што вели, тој самиот имал можност да се увери дека има голем метеж на светски познат трговски пазар, што не постои во Македонија и забележал, вели, голем број гости од таа земја кои доаѓаат во ресторани во Врање.
Д-р Тиодоровиќ на овој факт гледа како на позитивен чекор за трговците и угостителите, но предупредува дека мерките мора да се почитуваат и се исти за сите – затоа странците не се исклучени во никој случај.
Познато е дека Македонците со години се најверни посетители на градот Врање, а тоа беше прво поради ефтината храна и гориво, а денес, како што тврдат, заради ресторанот и пријатната атмосфера на Врање, па затоа не е изненадувачки што македонскиот е втор службен јазик во Врање.
Што се однесува до другата причина за зголемувањето на бројот на заразени – британскиот вид на коронавирус, д-р Предаг Кон денес зборуваше за тоа. Тој денеска на прес-конференција на Кризниот штаб за борба против ковид рече дека „вирусот сигурно е поприсутен отколку што мислиме дека е“.
„Знаеме дека овој британски вид е присутен, но не можеме да знаеме во кој процент. Она што се случува во Врање веројатно значи дека е поприсутно отколку што е откриено. Не сме во состојба да правиме секвенционирање повеќе од што правиме“, рече д-р Кон на денешната прес-конференција на Кризниот штаб за борба против вирусот корона.
Врање веќе со недели има константен број на новозаразени, со недели е на второ место по милионскиот Белград. Само вчера во Врање се регистрирани 127 новозаразени, што е многу висок број доколку се земе во предвид големината на овој град.
