Денес, пред зградата на Владата, од Алијансата за Албанците и Алтернатива поставија знак со, како што рекоа, најкорумпираните луѓе во Северна Македонија. Омер Ајдини од Алијансата, рече дека за да се исчисти земјата од корупција, треба да бидат затворени двете главни политички фигури во земјата, премиерот Зоран Заев и неговиот албански партнер, лидерот на ДУИ Али Ахмети.
„Оваа акција денес има врска со вчерашната изјава на премиерот Зоран Заев кој, за среќа или за жал, претстави акциски план за борба против корупцијата во неговата Влада. Сметаме дека овој акционен план е многу неопходен токму затоа што оваа влада е потопена во корупција. Сепак, според анализата што ја направивме за овој акционен план, сметаме дека како прва точка треба да биде затворање на премиерот Зоран Заев, кој успеа да ја направи Северна Македонија најкорумпирана земја на Балканот. Втората точка се однесува на затворањето на Али Ахмети кој е осомничен за коруптивно учество во случајот „Маџар Телеком“.
