Африм Гаши за ТВ21 ја коментираше идејата на премиерот Зоран Заев за опозицијата да се приклучи на Владата
Тој вели дека тоа не е нова идеја и дека станува збор за редефинирање на владата, за која, како што рече Гаши, неговата партија е подготвена да разговара.
„Ова не е нова идеја, да не спомнувам дека тоа го кажавме и претходно кога зборувавме за олеснување на биполаризацијата на општеството во нашата државата. Доколку постои искрена волја да се разговара за редефинирање на моделот на управување, ние сме подготвени да разговараме. Важно е да се има кохезивна и функционална состојба, за што зборуваме од 2014 година “, рече Гаши, пренесува ТВ21.
