Банкоматите се поставени во Сингапур со имплементирана технологија за препознавање лица – нема да ви треба картичка или ПИН за повлекување пари.
Иако полека одиме кон општество во кое книжните пари (делумно) ќе се заменат со картичките и мобилните телефони како примарни, а еден ден можеби и единствен начин на плаќање, за многумина денес, животот без готовина е незамислив. За подигање готовина, веќе долго време, освен во некои исклучоци, не се оди во банка, туку се вадат пари на банкомати. Во иднина, наместо да ја доближите или вметнете картичката во назначениот отвор на банкоматот, ќе биде доволно да подигнете готовина само ако погледнете во банкоматот.
