Кој ќе купи билет добива вакцина: Руски фудбалски клуб се бори за публика

0
74

Кој ќе купи билет за натпреварот – добива вакцина! Несекојдневната акција ќе послужи за враќање вљубениците на фудбалот на трибините, а идејата тргна од клубот „Зенит“ од Санкт Петербург. На почетокот, вакцинирањето ќе биде со руската вакцина „спутник“, пренесува „Мондо“.

Рускиот клуб одлучи да организира вакцинални пунктови на својот стадион. Ќе бидат вакцинирани сите навивачи кои сакаат да се вакцинираат. Акцијата ќе почне два часа пред почетокот на натпреварот, а гледачите по вакцинацијата ќе одат на стадион за да го следат натпреварот. Акцијата ќе стартува од следниот натпревар на „Зенит“ против „Ахмат“ од Грозни.

Од Клубот најавуваат дека таа ќе трае и во следните натпревари од руската Премиер лига, на чии натпревари е дозволен доста висок процент за присуство на публика.