Откако бугарските безбедносни служби добија налог од нивниот претседател да ги заштитат Бугарите во Македонија, масло на огнот за наводна обесправеност на Бугарите во земјава доли денешниот гаф на шефот на дипломатијата Бујар Османи. Првиот дипломат во обид да покаже колку се почитуваат правата на помалите етнички заедници во земјава, отиде во друга крајност и го посоветува граѓанските здруженија на Бугарите во Македонија да соработуваат со властите и да бидат внесени во сите механизми за остварување на своите колективни права, со тоа имплицирајќи дека тие досега го немале тоа.
Османи дури и им посочи да побараат и нешто што го нема ниедна заедница во земјава, дури ни Македонската – посебна графа во пописниот прашалник.
„УШТЕ ВЕДНАШ, ПРЕТСТАВНИЦИТЕ НА ОВИЕ ЗДРУЖЕНИЈА ТРЕБА ДА ГИ КОНТАКТИРААТ ПОПИСНИТЕ ОРГАНИ И ДА ПОБАРААТ СООДВЕТНА ГРАФА ВО РАМКИТЕ НА ПОПИСОТ, СО ЦЕЛ УТВРДУВАЊЕ НА КВАНТИТАТИВНАТА, ДЕМОГРАФСКАТА И ГЕОГРАФСКА ДИСТРИБУЦИЈА НА ОВАА ЗАСЕБНА ЗАЕДНИЦА, ШТО БИ ПРИДОНЕЛО ЗНАЧАЈНО ПРИ ФОРМИРАЊЕТО НА ИДНИТЕ ПОЛИТИКИ И НА ВЛАДАТА, И НА СООДВЕТНИТЕ ЕДИНИЦИ НА ЛОКАЛНАТА САМОУПРАВА И ВООПШТО НА ДРЖАВАТА“, НАПИША ОСМАНИ НА ФЕЈСБУК.
За графата осговор на Османи му стигна лично од директорот на Статистика.
„НЕМА ПОТРЕБА ДА БАРААТ, ИМА ТАКВА ГРАФА. ИМА СЕ ЗА ШТО ЌЕ СЕ ИЗЈАСНАТ“, ИЗЈАВИ СИМОСКИ.
Телма побара и став од владата окоу соодветна графа за Бугарите на пописот од каде ни одговорија дека на пописот 2021, секој може да си избере на која етничка заедница припаѓа.
„НИКОМУ НЕ МУ Е УСКРАТЕНО ТОА ПРАВО. ВО ЛИЗГАЧКОТО МЕНИ СО ВНЕСУВАЊЕ НА ПРВИТЕ ТРИ БУКВИ СЕ ПОЈАВУВА ЛИСТА ЗА ИЗБОР НА ЕТНИЧКАТА ПРИПАДНОСТ ВО КОЈА СЕ ОПФАТЕНИ СИТЕ СПОРЕД ОБЕДИНЕТИТЕ НАЦИИ. ТОА СЕ СТАНДАРДНИ КОДНИ ЛИСТИ ШТО ДРЖАВИТЕ НИЗ СВЕТОТ ГИ КОРИСТАТ ПРИ СПРОВЕДУВАЊЕ ПОПИС“, СТОИ ВО ОДГОВОРОТ ОД ВЛАДАТА.
Но освен отворањето на прашањето за бројот и правата на Бугарите во земјав на политичко ниво, како што се приближува на датумот на изборите во Бугарија, но и пописот во Македонија, од зимски сон се разбудија и здруженија на македонските граѓани кои се декларираат за Бугари во земјава. Па така по речиси по две години хибернација на социјалните мрежи, Здружението за македонско – бугарско пријателство се активираше пред една недела за денеска да објави соопштение во кое речиси отворено бара оние македонски граѓани кои имаат бугарски пасош да се изјаснат за Бугари на пописот, во спротивно да им се одземе бугарското државјанство.
„СОГЛАСНО ЗАКОНОТ ЗА БУГАРСКО ДРЖАВЈАНСТВО ОД 1999 ГОД. НА ЛИЦЕТО МОЖЕ ДА МУ СЕ ОДЗЕМЕ ИСТОТО, ДОКОЛКУ СЕ ДОКАЖЕ ДЕКА ВО ТЕКОТ НА ПОСТАПКАТА ДАЛО ЛАЖНИ ПОДАТОЦИ. НА МАКЕДОНСКИТЕ ГРАЃАНИ КОИ ДЕНОВИВЕ СЕ ИЗВЕСТЕНИ ЗА ТАКВО НЕШТО, А КОИ СЕ НАОЃААТ НАДВОР ОД РЕПУБЛИКА МАКЕДОНИЈА,ИМ ПРЕПОРАЧУВАМЕ ДА СЕ ОБРАТАТ ДО ДИПЛОМАТСКО КОНЗУЛАРНИТЕ ПРЕТСТАВНИШТВА НА РЕПУБЛИКА БУГАРИЈА. ЗДРУЖЕНИЕТО „МАКЕДОНСКО-БУГАРСКО„ ПРИЈАТЕЛСТВО- МБП, НА НИЕДЕН НАЧИН НЕ МОЖЕ (ДУРИ И ДА САКА) ДА ВЛИЈАЕ НА ТАКВИТЕ ПРАВНИ ПОСТАПКИ.
Нивното барање уследи по барањето на Културниот центар Иван Михајлов, формиран лани, оние кои ќе се изјаснат за Бугари на пописот полесно да добијат бугарски пасош.
И на нивните барања одговор стигна од Статистика. Од таму велат дека тие не издаваат документ за тоа кој како се изјаснил на пописот.
Тајноста на ваквите податоци, дообјаснува Симовски, е правило што постои откако постојат пописи и важи за сите земји во светот.
ПРЕЗЕМЕНО ОД ТЕЛЕВИЗИЈА ТЕЛМА
