Сега спасот и излезот го гледаат во субвенциите кои како што велат не ги добиваат веќе три години по ред.
Бараме само тоа што ни следува, тоа се наши пари, велат сточарите кои преку протест на Автопатот Тетово – Гостивар го изразија револтот.
Стоката ни умира од глад, ако за три дена не добиеме позитивен одговор како и исплата на дел од субвенциите, ќе ги радикализираме протестите, а овците и кравите ќе ги донесеме пред владата која знаеме дека има пари да ги нахрани.
Сточарите велат дека само поради субвенциите ја чуваат стоката. Без нив само се во загуба. Ниската откупна цена на грло добиток секоја година го намалува сточниот фонд.
Сега без субвенции не ни преостанува ништо друго освен да се откажеме од оваа дејност, се пожалија учесниците на протестот.