Поради неможност за пријавување во „Мој термин“, имунизацијата во Кичево се одложи за петок

0
18
epa08920772 A healthcare worker with vial of the Pfizer-BioNTech vaccine at the Villa Scassi Hospital in Genoa, Italy, 05 January 2021. A second batch of 470,000 doses of the Pfizer-BioNTech COVID-19 vaccine reportedly has arrived in Italy and more than 100,000 people have been vaccinated with it so far in Italy. EPA-EFE/LUCA ZENNARO

Поради неможност да се пријават во „Мој термин“ кој бил затворен за матичните лекари, почетокот на за денеска закажаната вакцинација на постарите жители во Кичево од Ковид-19 е одложена за петок, кога ќе ја примат првата вакцина најстарите жители на градот.

Според директорот на Здравствениот дом од Кичево Д-р Џабир Бајрами, сите 500 вакцини на Астра Зенека што биле испорачани во Кичево ќе бидат потрошени во првите десет работни дена, со динамика од 50 вакцини во еден ден. Имунизацијата ќе се спроведе во новата тријажна амбуланта, која првпат ќе ги прими своите пациенти.

-Поради неможноста од пријавување во„ Мој термин“ за нашите сограѓани на возраст над 77 годишна возраст имунизацијата ќе започне во петок на 2 април. Според нашите проекции, очекуваме секојдневно да вакцинираме по 50 наши постари сограѓани или првата количина на вакцини на Астра Зенека да ја потрошиме за 10 работни дена. Добивме неофицијална информација дека во „Мој термин“  за еден ден се пополнети  сите 500 места за вакцинација  во нашиот град. Екипи составени од шест обучени сестри и чевторица лекари, очекуваме успешно да ја спроведат целокупната операција, подвлече Бајрами.

Тој потврди дека продолжува секојдневниот пораст на новозаболени од Ковид-19  а денешната бројка од 25 новозаболени е најдобар показател дека се влошува здравствената состојба поврзана со Ковид-19 во Кичево.

-Во нашиот град како и во целата наша земја имаме рапидно зголемување на бројот на новозаболени од Ковид-19. Причина за наглиот скок на новозаболени е вирулентноста на британскиот сој кој е најдоминантен и во нашата земја.Со денешните 25 новозаболени ја преминавме границата од 2000 вкупно инфицирани во нашата општина, а поради забрзаниот дневен пораст се зголемува и бројот на активни случаи кој денес изнесува 178 лица, додаде Бајрами.