Расте интересот во Европа за Спутник V

0
51

Австрија води разговори за набавка на еден милион дози од руската вакцина, Меркел и Макрон пак искажале интерес за неа на видео-конференција со Путин. Спутник V сѐ уште нема добиено одобрение за употреба од ЕМА.

Австрија, во борбата против пандемијата на коронавирусот, е сѐ поблизу до склучување договор за набавка на руски вакцини Спутник V.

На ова укажува денешното соопштение на австрискиот канцелар Себастијан Курц на социјалните мрежи. „Со милион дози Спутник V, би можеле порано да се вратиме во нормала“, напиша австрискиот канцелар на својот Фејсбук профил.

Иако Европската агенција за лекови (ЕМА) сè уште не ја одобрила руската вакцина за коронавирус, Австрија очигледно одлучи да започне билатерална набавка.