На четири дена пред стартот на пописот во земјава, со околу 150 илјади самопопишани македонски државјани во дијаспората, се уште е отворено прашањето за одложување на целиот процес
Според ВМРО ДПМНЕ лицемерие е да се одржува попис во време кога Македонија се соочува со пик на третиот бран.
ВРВОТ СЕ ДОСТИГНУВА СО ТОА ШТО ПОПИШУВАЧИТЕ НЕ СЕ ИМУНИЗИРАНИ. ДАЛИ Е СВЕСЕН ЗАЕВ ДЕКА 5 ИЛЈАДИ 500 ПОПИШУВАЧИ ЌЕ ТРЕБА ДА ВЛЕЗАТ ВО СЕКОЕ ДОМАЌИНСТВО ВО ДРЖАВАТА. ГОЛЕМ БРОЈ ОД ПОПИШУВАЧИТЕ МОЖЕ ДА БИДАТ АСИМПТОМАТСКИ И ДА ЗАРАЗАТ ХРОНИЧНО БОЛНИ ИЛИ СТАРИ ЛУЃЕ. ЗАЕВ ДОКАЖУВА ДЕКА ПОЛИТИЧКИТЕ ДОГОВОРИ СО ПАРТИИТЕ ВО НЕГОВАТА КОАЛИЦИЈА СЕ ПРЕД ЗДРАВЈЕТО НА ГРАЃАНИТЕ.
Владеачката СДСМ со апел за масовен одѕив, бидејќи овие статистички податоци се неопходни. Уверуваат дека постојат меѓународни стандарди и здравствени протоколи.
АЛТЕРНАТИВА БАРАШЕ ПОЧИТУВАЊЕ НА ПРЕПОРАКИТЕ НА ОБЕДИНЕТИТЕ НАЦИИ, СПОРЕД КОИ, НЕ СМЕЕ ДА СЕ СПРОВЕДУВА ПОПИС, НО ОВАА ВЛАДА НИКОГО НЕ СЛУША. СЕГА, КОГА ПОПИСОТ Е ПОЧНАТ – ВРАЌАЊЕ НАЗАД НЕМА.
Спроведувањето безбеден попис и евентуалното одложување, ќе бидат дел од темите за кои премиерот Заев ќе разговара на одделни средби со опозициските лидери. Утре се среќава со Христијан Мицкоски, за да разговараат за Изборниот законик, пописот и економската состојба, а наредните денови, со Африм Гаши и Зиадин Села, за да се најде решение околу нивниот предлог за добивање државјанство, поради кој, стотина закони се блокирани со илјадници амандмани.
Телма
