Ако состојбата се влоши со Covid-19, ќе има дополнителни ограничувачки мерки. Според министерот за здравство Венко Филипче, следните чекори ќе бидат продолжување на полицискиот час и намалување на часовите за работа по кафулињата и рестораните.
„Ако размислувате за дополнителни ограничувања, следните чекори ќе бидат зголемување на времетраењето на полицискиот час и намалување на работното време на хотелските капацитети, повеќе од сегашната граница што е до 21 часот, ова е следното можно сценарио.“, истакна Министерот Филипче.
Од друга страна од опозициската Алијанса за Албанците изразува револт против мерките што се на сила. Беким Татеши од оваа партија проценува дека полицискиот час по 22 часот нема ефект, нарекувајќи ги анти-ковидните мерки како популистички мерки, а полицискиот час како политички часовник.
„Сметаме дека тие се повеќе популистички мерки отколку превентивни мерки и за нас полицискиот час е само политички час. Вие сте сведоци дека од 22 до 5 часот наутро, не можете да го намалите бројот на болни и заразени, така што ова се виде во изминатите две недели дека не постигнавме задоволителни резултати“, оценува Беким Татеши од Алијансата за Албанците.
Македонската опозиција незадоволна од работата на министерот за здравство бара и оставка од Филипче, обвинувајќи го за лошо управување со вирусот корона и не обезбедување вакцини на граѓаните.
Инаку, 520 позитивни пациенти се лекуваат во болници или во ковди-центри, објави Министерството за здравство.
Денес се навршува една година од првиот смртен случај од корона во нашата земја. Во меѓувреме, до денес 3.388 лица го загубија животот од овој вирус.
