ФОТО: Пожарна објави фотографии од спасувачката акција во Карпош

0
15

Екипи на скопската противпожарна бригада денеска учествуваше во акција за спасување на девојка која се обиде да си го одземе животот.

Специјалци спречија млада девојка да скокне од петтиот кат од зграда во скопски Карпош. Тие со јажиња од горниот кат се спуштија и ја затворија терасата. Од противпожарната единица Скопје информираа дека за случајот пријавиле соседите околу 12.30 и дека девојка е качена на балкон со намера да скокне, пренесува А1 он.

-Веднаш дојдовме на местото на настанот и поставивме безбедносен душек, доколку скокне од петтиот кат, за да се спаси. Но, по наредба на интервентната полиција која ја презеде акцијата ние тука се повлековме и настапија нивни екипи во акцијата за спасување. Како што видовте, полицајците со јажиња се качија на горниот кат и ја затворија излезната врата од балконот на долниот кат каде што беше девојката. Акцијата е успешно завршена, изјави Владимир Кочовски командир во против пожарна единица Скопје.