Во два одделни инциденти денеска во Хрватска жена и момче се закануваа со бомби, а специјалците се на терен да ја решат ситуацијата.
Имено, денеска во центарот на Загреб, во зградата во која живее поранешната претседателка на земјата Колинда Грабар-Китаровиќ, жена се затворила во стан и се заканувала. На прозорците од станот залепила две ливчиња на кои пишувало „во станот има бомби“.
Полицајци, пожарникари и итна помош се на терен, а по 45 минути тензија, специјалците упаднале во станот и ја одвеле жената.
Претседателката во тоа време не била во својот стан.
Во Сисак пак, момче се заканувало со бмба околу 12.15 часот и тоа во средното насочено училиште.
Тој рекол дека е син на бранител и барал да се види со жупанот, кој во моментот не бил во зградтаа.
Училиштето е евакуирано, а полицијата се уште се обидува да го изолира момчето кое е внатре во зградата.
Директорот на училиштето вели дека поради состојбата, нема да има попладневни часови.