ЗАЕВ – Малите хидроцентрали не прават проблеми на Шар Планина, тоа не е причината поради кои Тетово нема вода

Малите хидроцентрали не прават проблеми во водоснабдувањето во Тетово истакна премиерот Зоран Заев при денешната посета на тетовско Теново. Тој рече дека хидроцентралите односно нивната изградба се законски и според сите еколошки стандарди.

-Не се проблем хидроцентралите. Тие само во еден дел ја земаат водаат и ја пуштаат повторно, се почитуваат сите еколошки стандарди, дури има и рибина патека, рече премиерот Зоран Заев.

Вода нема поради ерозивни процеси на Шара потенцираше Заев.

Разговараме со Општина Тетово и тие ни кажуваат дека нивни екипи се на терен и работаат на таа проблематика, такво е земјиштетото, рече Заев.

Инаку Ана Петровска од Инспекторатот за Животна средина, истакна во неколку наврати дека изградбата на хидроцентралите ќе има негативни последици врз водоснабдувањето на градот Тетово, тоа го повторија и неколку невладини организации.