Бесими: Инвестициите во развојот на човечкиот капитал се од исклучителна важност за напредокот на економијата

0
27

Инвестициите во развојот на човечкиот капитал се од исклучителна важност за напредокот на државата, а особено во секторите образование, здравство и социјална заштита. Како земјите се справуваат со последиците од кризата предизвикана од ковид-19 пандемијата и ударите врз здравството, образованието, ранливите категории на граѓани и работните места, градењето на одржливи и инклузивни системи отпорни на идни шокови, промовирањето на економски можности и истовременото обезбедување на фискална одржливост, беа темите дискутирани од страна на министрите за финансии и развој од различни земји во светот, заедно со потпретседателот на Светската банка за развој на човечки капитал, Манта Мурти и претседателот на Групацијата на Светска Банка, Дејвид Малпас.

Активно учество и обраќање имаше министерот за финансии на РС Македонија, Фатмир Бесими, кој ја нагласи поддршката на Владата и Министерството за финансии во инвестициите на човечки капитал, за што зборува и приклучувањето на земјата кон проектот „Човечки капитал” на Светска Банка.

Прочитајте и… Филипче: Антителата не се репер за тоа дали треба да се прими вакцина, два три месеци по прележувањето на Ковид-19 може да се прими
– Реформите во здравството, образованието и социјалната сфера се отпочнати, но исто така ни претстои голема работа по однос на истите. Од аспект на финансирањето во овие сектори, предвидени се зголемени средства како дел од БДП, истовремено имајќи ја предвид и ефикасноста на овие инвестирања. Реформите кои ги отпочнавме во соработка со Светска банка овозможија пoефективна државна интервенција при справувањето со последиците од кризата, притоа олеснувајќи ги каналите на дистрибуција на јавните услуги. Ние продолжуваме со овие клучни реформи понатаму, кои се основа за понатамошен раст и развој, истакна министерот Бесими.

Бесими потенцира дека активно се работи на мерки и активности што ќе придонесат за унапредување на развојот на човечките ресурси, како еден од столбовите на кои се темели Стратегијата за финансирање на забрзан раст.

Прочитајте и… Стејт департмент: Назначена координаторка на глобалната вакцинална политика на САД
– Мерките и активностите кои се носат со цел унапредување на образованието, науката и здравството, поголема активност на работоспособното население, како и мерките за зголемување на социјалната заштита ќе го подобрат квалитетот на живот на нашите граѓани, истакна министерот.