Иако земјата започна со масовна вакцинација, бројот на лица заразени со Ковид-19 се зголемува секој ден. Само во последните 24 часа, 73 нови пациенти се хоспитализирани во ковид центрите во Скопје, поради компликациите од вирусот. Во меѓувреме, вкупниот број на позитивни пациенти и суспектни на вирусот, кои се лекуваат во инфективни клиники е 1.687. Во моментов околу 340 кревети се слободни во ковид центрите. Досега се вакцинирани над 18.000 граѓани на пунктовите за вакцинација. Министерот за здравство Венко Филипче, предупреди дека во текот на месецот се очекува да пристигнат околу 300.000 дози вакцини. Филипче исто така рече дека следната недела се очекува да бидат вакцинирани обвинители, судии, инспекциски служби и медиумски работници. Во меѓувреме, ВМРО ДПМНЕ протестираше пред Министерството за здравство, барајќи оставка од Венко Филипче.
Веднаш по протестот на опозициската партија реагираше Министерството за здравство, кое смета дека ВМРО ДПМНЕ не може да го прифати фактот дека вакцинацијата се одвива без проблеми.
Министерство за здравство
„ВМРО ДПМНЕ не може да го прифати фактот на совршената организација на масовната имунизација во А1 арената „ Борис Трајковски “. На ВМРО ДПМНЕ и пречат насмеаните лица на граѓаните по вакцинацијата, на опозицијата и пречат позитивните коментари на граѓаните кои примиле вакцина. ВМРО ДПМНЕ не направи ништо друго освен штета за време на пандемијата.
Министерството за здравство ја обвини ВМРО ДПМНЕ дека во времето на ограничувачките мерки, тие одлучиле да се групираат и да протестираат.
