По покана на нашиот старец и игумен, епископ г. Партениј, денес претседателот на ВМРО-ДПМНЕ, Христијан Мицкоски ја посети свештената бигорска Обител. Почитуваниот гостин беше пречекан од нашето братство во духот на манастирското гостољубие и запознаен со животот и мисијата на манастирот, информираа од Бигорскиот манастир.
Додаваат дека во топлата и пријателска атмосфера владиката Партениј и Мицковски разговарале за разни теми што се однесуваат за „добросостојбата и благоуспевањето на нашата држава и на нашето општество“.
– Од своја страна Мицкоски искажа голема благодарност и поддршка за благородната евангелска мисија на владиката Партениј и на неговото братство. Од своја страна, Старецот му се заблагодари на ценетиот гостин за посетата и за укажаната морална поткрепа, додаваат од манастирот.
