САД ќе препуштат 60 милиони дози вакцини против ковид-19 на „АстраЗенека“ на други земји, изјави претставник на Белата куќа чија претходна одлука за извоз на вакцината, која сè уште не е одобрена од американските власти, предизвика широка критика.
„Соединетите држави ќе ослободат 60 милиони дози вакцина на АстраЗенека во другите земји веднаш штом ќе станат достапни“, рече Енди Славит, советник за коронавирус во Белата куќа, на Твитер.
Тој ги отфрли критиките упатени кон Соединетите држави за насобраните дози кои не ги користат.
„Во моментов, многу малку од нив се достапни“, рече тој, објави Хина.
„Пред да се испорачаат дозите на вакцината на АстраЗенека од САД, американската ФДА ќе потврди дека ги исполнуваат условите за квалитет“, изјави портпаролот на Белата куќа Џен Саки.
