Не престануваат коментарите за новата велосипедска патека која неодамна беше обележана на булеварот Илинденска на десната страна од оваа делница.
Патеката наменета за велосипедисти е само означена, но во пракса ретко кој може да ја користи.
На социјалните мрежи се споделуваат фотографии на паркирани возила покрај самата патека, а на патеката каде треба да поминуваат велосипедистите има бетонски столб токму на местото каде се спојуваат булеварите Илинденска и Индустриска, па граѓаните се шегуваат дека се работи за патека наменета за екстремен велосипедизам во Тетово.