Во Германија е укината приоризацијата за вакцинирање со АстраЗенека. Одлуката кој ќе биде вакциниран ќе ја носат матичните лекари.
Сојузот и покраините во Германија ја укинаа приоризацијата во процесот на вакцинирање со АстраЗенека во земјата. Сите возрасни граѓани можат кај својот матичен лекар да добијат ваква вакцина, без оглед на листата на групи кои имаат приоритет.
Германскиот министер за здравство Јенс Шпан во Берлин изјави: „Тоа значи дека при вакцинирањето матичните лекари ќе одлучуваат кој кога е на ред да добие вакцина (АстраЗенека, н.з.).“
Исто така, веќе не мора да се чека да минат 12 недели помеѓу првата и втората доза на вакцината, рече Шпан. Лекарот е тој којшто ќе донесе одлука кога треба да биде дадена втората доза АстраЗенека.
Извор Дојче Веле
