Еден од највисоките кинески облакодери беше евакуиран во вторникот откако почна да се ниша, а луѓето во паника бегаа на сигурно во јужниот град Шенжен.
Облакодерот SEG Plaza, висок скоро триста метри необјасниво започна да се ниша околу 13 часот по локално време и веднаш беше организирана евакуација на луѓето внатре, додека минувачите на околните улици гледаа зачудено.
Зградата е затворена во 14 часот и 40 минути, објавија локалните медиуми.
Завршена во 2000 година, во срцето на еден од најбрзорастечките кинески градови, во кулата се наоѓа еден од главните пазари на електроника и има различни канцеларии.
Агенцијата за управување со вонредни состојби истражува зошто се треселе облакодерите во областа Футијана во Шенжен, се наведува во соопштението на платформата „Веибо“.
In the afternoon today, SEG Plaza in #Shenzhen shook violently. The skyscraper has been closed down now and personnel in the building have been evacuated. No #earthquake in Shenzhen today. The specific reason is being investigated. pic.twitter.com/diK6XPU5Sk
— Zhengguan News (@ZhengguanNews) May 18, 2021
По проверка и анализа на податоците на различните станици за набљудување на земјотресот низ градот, беше заклучено дека денес немало земјотреси во Шенжен“, се вели во соопштението. „Причината за нишањето ја проверуваат различни оддели.
Во моментов не е познато што ќе стори владата со зграда од оваа големина, лоцирана во центарот на градот со 12 милиони жители.
https://twitter.com/i/status/1394599475025350658
Видеа од минувачи објавени од локалните медиуми на „Веибо“ покажуваат облакодер кој се ниша врз неговите темели додека бегаат стотици преплашени минувачи.
„SEG“ е целосно евакуиран“, напиша еден корисник на „Веибо“ во описот на видеото.
Кулата е именувана според производителот на полупроводници и електроника Shenzhen Electronics Group, чии канцеларии се наоѓаат во таа зграда. Според Советот за високи згради, таа е 18-та највисока кула во Шенжен.
Кинеските власти минатата година забранија изградба на облакодери повисоки од 500 метри.
Уривањето на зградите не е невообичаено во Кина, каде градежните стандарди се слаби, а поради зачудувачката урбанизација, изградбата се одвива набрзина.
