Голем процент од Русите не се плашат од коронавирусот и немаат намера да се вакцинираат, покажало истражувањето на Институтот Левада, илустрирајќи ги тешкотиите со кои се соочува стратегијата за вакцинација на претседателот Владимир Путин.
Според студијата спроведено во април, 62 проценти од испитаниците не се подготвени да се вакцинираат со Спутник V, развиен од научниот институт Гамалеја.
Истиот процент на луѓе имале отпорност на вакцинација во февруари, но паднал и бројот на оние кои биле подготвени да се вакцинираат. Во февруари имало 30 проценти од нив за вакцинирање, а во април 26 проценти.
10 проценти од нив се изјасниле дека ја примиле вакцината.
Во исто време, 56 проценти од Русите не се плашат од заразување со новиот коронавирус, исто како и во февруари, но многу повеќе отколку во декември минатата година кога 41 процент изјавиле дека не стравуваат од Ковид-19.
Кампањата за вакцинација во Русија затоа заостанува, иако тоа беше првата земја во светот што одобри вакцина против Ковид-19.
Русија го одобри Спутник V за употреба уште во август 2020 година.
Досега, двете дози на вакцината биле дадени на 10 милиони луѓе, а првата доза на 14 милиони.
Русија, која има над 146 милиони жители, досега има развиено четири вакцини, а „лајт“ верзијата на Спутник V, која ќе се состои од една доза наскоро треба да се најде на пазарот.
