СЗО: Загрижувачка мутација на коронавирус B.1.617 откриена во Индија

0
13

Мутација на Ковид-19 откриена во Индија (B-1.617) се смета за „загрижувачка“ поради големата заразност, соопшти вчера Светската здраствена организација.

-Има информации според кои сојот на вирусот B.1.617 е позаразен, но исто така и елементи кои укажуваат дека има еден степен отпорност на вакцина и по тоа можеме да го класифицираме како „загрижувачка мутација на вирусот“, изјавила докторката Мараија Ван Керков, шеф на техничкиот тим за борба против Ковид-19 во СЗО.

Таа посочува дека дополнителни детали ќе бидат објавени денеска во редовниот извештај, но дека треба д се направат дополнителни истражувања за оваа мутација на вирусот за да се утврди во која застапеност циркулира и до кој степен ја намалува делотворноста на вакцината.

-За сега ништо не укажува на тоа дека нашата дијагностика, нашите лекови и вакцини не делуваат. И тоа е важно, нагласува Ван Керков.

Посочува дека треба да се продолжи со примената на заштитните мерки како социјална дистанца, носење заштитни маски и намалување на контактите.