Авион на бугарското воено воздухопловство „МиГ-29“ се урна во Црното Море кај Шабла за време на воените вежби „Шабла 2021“. Веста за БНР ја потврди потполковникот Кирил Михаилов, командант на бугарската морнарица.
Повикувајќи се на порака од бугарското Министерство за одбрана, инцидентот се случил при извршување на задача за обука над морското подрачје на Република Бугарија, авион МиГ-29 на бугарското воено воздухопловство изгубил радио комуникација и исчезна од радарите во 00:45 часот по локално време.
Акцијата за пребарување и спасување е започната веднаш и е во тек, засега нема информации дали пилотот бил спасен. Вклучува сили и средства на морнарицата на земјата, Заедничката команда за специјални операции, Граничната полиција и Бугарското воено воздухопловство.
Министерот за одбрана на Бугарија Георги Панајотов патува во областа на инцидентот. Причините за падот на авионот остануваат нејасни.
Истрагата ќе ја преземе военото обвинителство. Властите соопштија дека тактичката вежба е прекината.Во вежбата требаше да присуствува техничкиот бугарски премиер Стефан Јанев.
Извор Tv24
