Во Тетово речиси 9 години на чело на општината е кадар на ДУИ но животна средина е последна на агендата на локалната власт. Токму во овој град граѓаните велат дека најголем проблем е јавната чистота и загадениот воздух. Тетово веќе неколку години по ред се наоѓа на листата најзагадени градови во Европа. Голем проблем според тетовци се и малите хидроцентрали, и дивата депонија. Еко Герила кои подолго време алармираат за проблемите со животната средина и екологијата сметаат дека зелена агенда во Тетово никогаш не се спроведувала напротив во изминатите години животната средина е многу загрозена.
Урбаната узурпација е се почеста слика во Тетово посочуваат активистите. Дополнително се загрижени за состојбата со Шар планина каде наместо ревитализација која одамна требала да се случи, властите најавуваат голф терени на Шапка.
Овие контејнери се во непосредна близина на општината и основно училиште, каде градоначалничката секојдневно минува за да пристигне на работа. За актуелната состојба во градот не добивме одговор од градоначалничката теута Арифи иако побаравме нејзин став. Инаку ДУИ денеска го промовираше и првиот зелен проект а се однесува на обновливата енергија и искористувањето на сончевата енергија. Посочуваат дека овој проект веќе се имплементира во ТЕЦ Осломеј а во процес на трансформација е и РЕК Битола. Премиерот Заев позитивно ја оцени трансформацијата на ДУИ кон зелената агенда.
Одлуката на ДУИ беше соопштена вчера по повод 19 годишнината од основањето на партијата.
