Веќе една недела кафулињата во Непроштено без посетители во објектите. Кафе и пијалак може само да нарача. Така одлучиле сопствениците, со цел спречување на ширење на заразата. Примерот треба да го следат и останатите населени места, со оглед на растот на бројот на заразени, хоспитализирани и починати, сметаат мештаните.
А алармот во Клиничката болница Тетово се уште е вклучен на црвено. Во последните 24 часа хоспитализирани се 14 пациенти, а во сите 4 одделенија моментално од ковид се лекуваат 123 лица, речиси сите со тешка клиничка слика. Има 5 починати пациенти меѓу кои и 49 годишник.
А бројот на aмбулантските прегледи не даваат оптимистички прогнози, дека сосотoјбата со вирусот ќе се смири.
Здравствените работници апелираат на продолжување на трендот на масовна вакцинација, оти и натаму над 90 % од хоспитализираните не се имунизирани.
