Европскат Унија ќе испрати помош од возила и капацитети кои ќе помогнат со справувањето на пожарите на територијата на земјава. Ова го најави Јанез Ленарчиќ, шеф на европската Комисија за управување со кризи.
„ЕУ испраќа капацитети во Грција и Северна Македонија како поддршка на локално ниво.
Помошта доаѓа од Шведска, Франција, Австрија, Бугарија и од ЕУ“, напиша Ленарчиќ.
Помош за Македонија дојде и од Словенија денеска, во справување со пожарите во источниот дел од земјава.
Во моментов во Македонија во пехчевско-беровскиот регион беснеат пожари, кои се гасат со пет хеликоптери.
И во Грција беснеат пожари, особено е голем оној во близина на Атина кој се закануваше да го уништи местото на древните Олимписки игри.