Горивата поевтинија за половина до 1,5 денари за литар, според најновата одлука на Регулаторната комисија за енергетика и водни услуги (РКЕ), што е намалување на цените во просек за 1,58 отсто.
Така, малопродажните цени на бензинот ЕУРОСУПЕР БС-95 и на Екстра лесното масло за домаќинство (ЕЛ-1) се намалуваат за еден денар по литар и изнесуваат 70,5, односно 61 денари за литар.
ЕУРОСУПЕР БС-98 поевтини за 1,5 денари за литар и чини 72 денари, додека цената на ЕУРОДИЗЕЛ (Д-Е V) се намали за половина денар по литар и изнесува 61,5 денари.
Со одлуката на РКЕ за 0,751 денари за килограм се намали и малопродажната цена на Мазутот М-1 НС и сега изнесува 35,930 денари.
