Најмалку 25 луѓе се повредени во експлозија што се случи денеска во станбена зграда во Гетеборг. Евакуирани се 200 станари, кои живееле во зградата, а експлозијата ги затекнала на спиење и како сведочат не им било јасно што се случува.
По првичната експлозија избувнал и пожар во неколку згради. Според неофицијални информации, најмалку три лица се здобиле со тешки телесни повреди.
Засега не е познато што ја предизвикало експлозијата, која се случи околу 4 часот изутрината.
