Министерството за надворешни работи мораше да реагира на изјавата на специјалниот пратеник на Вашингтон за Западен Балкан, Габриел Ескобар, дека е „погрешно Бугарија да користи билатерален договор за да ја запре Северна Македонија на патот кон ЕУ“, смета претседателот на ВМРО БНД, Красимир Каракачанов, поранешен министер за одбрана во владата на Бојко Борисов.
Во интервју за „Епицентар“, Каракачанов кој во последните два изборни циклуси не го мина цензусот со неговата партија да се најде во новиот состав на бугарскиот парламент е зачуден што ниту една од партиите застапени во Собранието не издаде соопштение
Изненадувачки, нема реакција од никого – претседателот, кој влегува во изборната кампања и луѓето ќе сакаат да го слушнат неговиот став. И кога молчите – создавате чувство дека сте се помириле со овој притисок – вели Каракачанов.
Партиите кои влегле и ќе влезат во парламентот по третите годинешни избори закажани за 14 ноември, не сакајќи да ги споменува, смета дека имаат намера да го предадат бугарскиот национален интерес со доаѓањето на власт.
-Знам што се зборува и пред Брисел и пред Американците – сега е комплицирано, чекаме редовни избори, темата не е популарна, има претседателски избори, овие прашања ќе ги решиме по изборите. Не е случајно што вели г. Ескобар до крајот на годината. Изборите се на 14 ноември, во декември, што го спречува привремениот премиер или новата влада да направи божиќен ‘подарок’ за целиот бугарски народ со потклекнување пред притисокот на Соединетите Држави. Кога немате самодоверба дека бугарскиот народ што ве избрал стои зад вас и се потпирате на некој надворешен фактор за да ги поддржите вашите политички позиции, тоа се случува. Секој што влегува во политика мора да одговори на прашањето зошто влегува – за јавен интерес или за да им служи на сопствените амбиции. Кога не можете да го поднесете притисокот – велите, притисокот е силен и одите лево или десно, вели Каракачанов.
