Девојчето од дом за деца без родители ја смени изјавата, вели оти лажела дека ја тепале и силувале

0
19

Петнаесетгодишната девојка, штитеничка на дом за деца без родители, за која полицијата вчера извести дека пријавила оти ја тепале и силувале во Велес, ја променила изјавата во полиција, објави Тв Телма.

Веста за пресвртот во случајот, кој предизвика големо внимание во јавноста, ја потврдиле од СВР Велес. Девојчето им признало на полицајците дека станува збор за лажна пријава, велат од полицијата.

По вчерашната изјава на малолетничката, две момчиња од Велес, кои ги посочило девојчето, веќе биле повикани на разговор во станица. Според извори на Телма од полицијата, со сите вештачења и пропратни оперативни дејствија околу истрагата, докажано било дека таа ниту била тепана, ниту била силувана. Со оглед на тоа што веќе постојат доказите, девојчето признало оти нејзината пријава е всушност лажна пријава.