Состојбата е алармантна: Сите поголеми болници во Загреб стануваат ковид-центри, се подготвува и Арена

0
46
03.12.2020., Sarajevo, Bosna i Hercegovina - Ilustracije Pfizer i Moderna cjepiva protiv virusa Covid-19. Photo: Armin Durgut/PIXSELL

Поради големиот број на нови инфекции со коронавирус во Хрватска, Загреб воведе нов болнички режим, според кој сите поголеми болници во главниот град стануваат Ковид-центри, јавија хрватските медиуми.

Зголемувањето на капацитетите за лекување на пациенти со Ковид-19 мора целосно да се реализира до понеделник. Договорен е и диспечер во Итната помош во Загреб кој 24 часа ќе ги следи слободните места во болниците.

Договорено е болниците обврзно да пријавуваат состојба во 8, 14, 19 и 24 часот.

Хрватскиот министер за здравство Вили Берош на денешната владина седница зборуваше за актуелната епидемиолошка состојба во државата.

Тој рече дека се подготвува отворање на загрепската Арена за болни од Ковид-19.

-Продолжува трендот на 75 проценти невакцинирани кај заразените, хоспитализираните и починатите. Здравствениот систем се подготвува за нови оптоварувања. Со достапни вакцини и јасни правила може да се избегнат многу хоспитализации. Повеќе од 80 отсто од лекарите се вакцинирани, кој би не лекувал да не се вакцинирани? Да го следиме нивниот пример, рече Берош.

-Излезот од епидемијата неизбежно и непотребно се пролонгира. Пораката на науката е јасна – треба да го забрзаме излезот од епидемијата преку вакцинација, истакна тој.

Општина Загреб вчера ги мобилизираше клиниките за Ковид како дополнителни места каде граѓаните може да се тестираат.