Нагло зголемување на бројот на новозаболени од Ковид-19, присутен и сојот „омикрон“

epa08920772 A healthcare worker with vial of the Pfizer-BioNTech vaccine at the Villa Scassi Hospital in Genoa, Italy, 05 January 2021. A second batch of 470,000 doses of the Pfizer-BioNTech COVID-19 vaccine reportedly has arrived in Italy and more than 100,000 people have been vaccinated with it so far in Italy. EPA-EFE/LUCA ZENNARO

Првата недела од 2022 година бележи зголемување на бројот на новозаболени со Ковид 19. Според податоците на Институтот за јавно здравје, во последните 24 часа регистрирани се 1.197 заболени од 7 илјади 483 направени тестови. 12 пациенти починале, од кои 6 од Скопје и Битола.

Од 27 декември 2021 година до 2 јануари годинава тестирани се вкупно 35.362 граѓани, од кои 2.643 лица од 34 различни градови биле позитивни. Како што информираат од Институтот, ова е зголемување на бројот на заразени за 37,6% во однос на претходната недела.

Меѓу другото, овој извештај покажува дека од Ковид 19 заболуваат сите возрасни групи. Најпогодени се оние на возраст од 30-49 години, додека најмал број на заболени се регистрирани во возрасната група 0-9 години. Во овој период починале 57 пациенти во 16 различни градови.

Што се однесува до вакцинацијата, од Институтот за јавно здравје информираат дека заклучно со 31.12.2021 година со првата доза од вакцината се вакцинирани 858.682 лица. Со втората доза вакцинирани се 832.120 граѓани, додека со третата доза вкупно 103.052 граѓани.