Украина: Белоруската војска им се приклучи на руските трупи, нападнати сме од повеќе граници (ВИДЕО)

Украинските власти велат дека белоруските трупи се приклучуваат на рускиот напад, што би значело дека офанзивата сега доаѓа и од северна Украина, јавува Би-би-си.

 

Белорусија, која се наоѓа на северната граница на Украина, долго време е во сојуз со Русија.

Украина е нападната преку повеќе граници, соопшти украинската државна гранична служба.

„Околу 5 часот, државната граница на Украина во областа со Руската Федерација и Република Белорусија беше нападната од руски војници со поддршка на Белорусија“, соопшти службата. Се додава дека нападите се вршат на источната и северната граница на Украина.

Цел на нападите се граничните единици, граничните патроли и контролните пунктови со употреба на артилерија, тешка опрема и малокалибарско оружје, соопшти граничната служба. „Покрај тоа, нападот се одвива и од страна на Автономната Република Крим“, соопшти службата.

Се додава дека Украина возвраќа со оган и пука во непријателот, во зависност од ситуацијата на границата.

РИА новости: Русија ја гаѓа украинската воена инфраструктура

Русија ја гаѓа украинската воена инфраструктура, воздушната одбрана и воздушните сили со високопрецизно оружје и не ги напаѓа украинските градови, објави во четвртокот руската новинска агенција РИА, цитирајќи го руското Министерство за одбрана.

Киев соопшти дека Москва почнала сеопфатен напад врз Украина, а воените командни центри во голем број градови се погодени со проектили.