Долгови на општини
За само три месеци доспеаните, а неплатени обврски на општините се набилдаа за нови 6,1 милиони евра. На крајот од декември 2021 година вкупниот долг на општините достигна 68,9 милиони евра додека на крајот од септември (трет кавартал) тој изнесувал 62,8 милион евра.
Доспеани, а неплатени обврски на општините
(состојба декември 2021 )
Тетово 13,5 милион евра
Охрид 8,5 милион евра
Гостивар 5,9 милион евра
Три општините се во првата „десетторка” на субјекти со највисоки износи на долгови. Конкретно, општина Тетово со вкупни доспеани, а неплатени обврски во износ од 13,5 милион евра се искачи на високото трето место, општина Охрид со долг од 8,5 милион евра е на петто место, а општина Гостивар со долг од 5,9 милион евра е на десетто место на новата должничка листа.
Меѓу општините со повисок износ на долгови се и општина Струга со долг од 3,4 милион евра, општина Карпош 3,3 милион евра, општина Делчево со долг 3,1 милион евра, општина Кичево со 1,8 милион евра и општина Сарај со пријавени, а неплатени обврски во износ од 1,7 милион евра.
Останатите општини имаат долгови пониски од 1,5 милиони евра.
Долгови на јавни претпријатија и државни фирми
Освен општините со вкупен долг од 179,2 милион евра се јавните претпријатија и државните фирми додека општинските јавни претпријатија пријавиле доспеани, а неплатени обврски во износ од 58,4 милион евра.
Така од државните фирми и јавни претпријатија највисоки износи на доспеани а неплатени обрски имаат АД Македонски енергетски ресурси со пријавени 82,6 милиони евра, АД МЖ Транспорт со долг од 64,9 милиони евра, ЈП Колекторски систем Скопје со 8,6 милиони евра, ЈП Водовод Куманово со 8,1 милиони евра, ЈП водовод и канализација – Скопје со пријавени 7,3 милиони евра долг и АД ЕЛЕМ – Скопје со износ од 7,3 милиони евра – сите вброени во првите десет субјекти со највисоки износи на доспеани, а неплатени обврски. Со поголеми износи на долг се и следните државни акционерски друштва и јавни претпријатија: АД Водостопанство Скопје со долг од 5,5 милиони евра, ЈКП Тетово со 4,9 милиони евра, ЈП Водовод Охрид со 4,8 милиони евра, ЈП Чистота и зеленило Куманово со пријавени 4,2 милиони евра, ЈП за комунални дејности ЦО Струмица со 4,1 милиони евра, JП МРТ – Скопје со пријавени неплатени обврски во износ од 3,7 милиони евра. Остантите јавни претријатија имаат долг помал од 3 милиони евра.
Долгови во здравството
Долговите на јавните здравствени установи на крајот од минатата година достигнаа 67,8 милиони евра – доспеани. а неплатени обврски по различни основи пријавиле болници, клиники, институти. На должничката листа се голем број на општи болници речиси од сите градови.
Според износот, највисок долг од речиси 6,4 милиони евра пријавила Клиниката за радиотерапија и онкологија – Скопје, долг од 4,3 милиони евра имала ГОБ 8 Септември, следуваат Институт за трансфузиона медицина со долг од 4,3 милиони евра, скопската Клиника за трауматологија, ортопедски лекување, анестезија, реанимација и интензивно лекување и ургентен центар-Скопје должат 3,8 милиони евра, Општата болница-Кичево 3,7 милиони евра, Општа болница-Куманово должи 3,3 милиони евра, а Општа болница-Охрид 3,2 милиони евра, додека ЈЗУ Универзитетска клиника за гинекологија и акушерство пријавила неплатени сметки во износ од 2,9 милиони евра. Останатите јавни здравствени институции имаат долг понизок од 2,8 милиони евра.
Со оглед на финансиско-енергетската криза и неможноста на општините и на јавните претпријатија навреме и во целост да ги платат сметките за електрична енергија се очекува долговите на овие субјекти да се зголемат во првиот квартал од годинава. Но конечната состојба со обврските сепак ќе зависи од тоа дали општините ќе добијат финансиска инекција од централната власт за да можат да ги подмират тековните обврски, а со тоа да не создаваат нови.
