Вечерва паѓа цената на дизелот, од утре основните прехранбени производи ќе се продаваат со 0% ДДВ

Над 5 денари се очекува да се намали цената на дизелот вечерва по полноќ, а ќе се намали и цената на бензинот.

„И вечерва очекуваме дополнително намалување, имајќи ги в предвид котациите на последните 5 дена и најверојатно намалувањето согласно анализите кои се прават во секторот за енергетика во министерство за економија и крајниот збор секако дека ќе го има Регулаторна комисија за енергетика, би требало да биде за дизелот над 5 денари“, вели Крешник Бектеши министер за економија.

Од утре според министерот исто така цената на основните прехранбени производи ќе се продаваат со 0% ДДВ.

„Утре веќе би требало да има целосно намалување на делот на ДДВ-то за основните прехранбени производи, затоа би сакал да ги повикам и граѓаните да купуваат со фискални сметки заради тоа што таму може да видат дали трговците или пак маркетите ја применуваат мерката“, рече Бектеши.

Еве ги симптомите за присуство на наслаги во крвните садови …

Министерот вели дека државата прави се што е можно но додаде дека самите трговци треба да бидат солидарни и коректни во текот на формирањето на цените со цел товарот на кризата да не падне врз грбот на граѓаните.