Почна битката за Донбаскиот регион на Украина. Руските сили гранатираа железничка станица во гратчето Краматорск. Загинаа 30 луѓе, над сто се повредени. Краматорск беше единствената железница која функционираше на истокот од земјата, преку која се одвиваа евакуациите, а според локалните власти на Доњецк, во моментот на бомбардирањето на станицата имало илјадници луѓе кои се обидувале да избегаат со воз.
Руските сили целосно се повлечени од северот на Украина кон Белорусија и Русија, но дел од овие батаљони се пренасочени во источниот дел, за новите борби во Донбаскиот регион, соопштуваат од британското разузнавање. Цела ноќ траеше гранатирањето на неколку градови во овој регион, а цивилите се кријат во подрумите. Се бомбардира од Црното Море, потврдија и од руското министерство за одбрана, што најавува најнова мега тактика во воената офанзива, која ќе биде и покрвава.
ВООРУЖЕНИТЕ СИЛИ НА РУСКАТА ФЕДЕРАЦИЈА ПРОДОЛЖИЈА СО НАПАДИТЕ ВРЗ ЛОКАЦИИТЕ НА УКРАИНСКАТА ВОЕНА ИНФРАСТРУКТУРА. ВО ТЕКОТ НА НОЌТА, ЧЕТИРИ БАЗИ ЗА СКЛАДИРАЊЕ НАФТА ВО ОКОЛИНАТА НА МИКОЛАЕВ, ЗАПОРОЖЈЕ, ХАРКОВ И ЧУГУЕВ БЕА УНИШТЕНИ СО РАКЕТИ СО ВИСОКА ПРЕЦИЗНОСТ И ЛАНСИРАНИ ОД ВОЗДУХ И МОРЕ. БАЗИТЕ ДОСТАВУВАА НАФТА ЗА УКРАИНСКИТЕ ВОЕНИ ТИМОВИ ОКОЛУ ХАРКОВ, МИКОЛАЕВ И ДОНБАС, ИЗЈАВИ ИГОР КОНЕШЕНКОВ, ПОРТПАРОЛ НА РУСКО МО
Но, и покрај тоа што руските сили се повлекоа од дел од окупираните градови на север, претседателот Зеленски вели дека уништувањето на северо-западниот град Бородјанка е поужасно од она што светот го виде во Буча. Како ќе се повлекуваат, светот ќе го гледа ужасот што го оставија во уништените градови, рече Зеленски.
ТИЕ СЕ ОБИДУВААТ ДА ПОКАЖАТ ЖРТВИ ВО МАРИУПОЛ КАКО ДА СЕ УБИЕНИ НЕ ОД РУСКИТЕ СИЛИ, ТУКУ ОД УКРАИНСКИТЕ БРАНИТЕЛИ НА ГРАДОТ. ЗА ТАА ЦЕЛ ОКУПАТОРИТЕ ГИ СОБИРААТ ТЕЛАТА ПО УЛИЦИТЕ И ГИ НОСАТ. МОЖЕ ДА ГО ИСКОРИСТАТ НЕКАДЕ НА ДРУГО МЕСТО ВО СОГЛАСНОСТ СО РАЗВИЕНИТЕ ПРОПАГАНДНИ СЦЕНАРИЈА.
Веќе една недела како е ослободен градот Чернихив, но луѓето се плаѓат да излезат на улиците и се уште живеат во скривниците.
СЕГА СМЕ КОЛУ 60 ЛУЃЕ ТУКА, НАЈМНОГУ ЛУЃЕ КОИ ГИ ЗАГУБИЈА ДОМОВИТЕ, И ЛУЃЕ ВО ЧИИ КУЌИ НЕ МОЖЕ ДА СЕ ЖИВЕЕ. ЕДЕН МОМЕНТ ТУКА ИМАШЕ 600-ТИНИ ЛУЃЕ, СПИЕЈА ЕДНИ ВРЗ ДРУГИ, ВЕЛИ ЈУЛИЈА БОМБЕР, АДВОКАТ И ЖИТЕЛ НА ЧЕРНИХИВ
Во Киев веќе е пристигната претседателката на ЕК, Урсула фон дер Лаејн. На нејзин предлог, по долги дискусии, членките на Европската Унија синоќа одобрија нови санкции против Русија, кои вклучуваат ембарго за увоз на руски јаглен, дрва и вотка. Анализите велат дека главната војна ќе се води во Донбаскиот регион, а како ќе зголемува воената помош за Украина, и вмешаноста на НАТО, ризиците од ескалација на глобално ниво стануваат се поголеми.
Извор Телма
