Си-Ен-Ен објави надзорна снимка од настани кои украинските обвинители сега ги сметаат за воено злосторство.
На видеото се гледа како руски војници пукаат во двајца невооружени цивили кои се оддалечувале од нив во предградијата на украинската престолнина Киев.
Двајцата цивили загинаа по пукањето, кое, според видеото, е надвор од сите правила на војна.
Си-Ен-Ен ги идентификуваше жртвите. Едниот бил сопственик на ограбен салон за автомобили, чие семејство не сака да биде именувано. Другиот бил Леонид Олексиевич Пљац, 68-годишен дедо кој работел таму како чувар.
