Изгор цени, ниски плати и пензии. Граѓаните едвај преживуваат со новите бранови на поскапувања. Владините мерки се ад хок и тие нема да помогнат за економска стабилизација, велат економистите. Потребни се долгорочни планови за да се избориме со предизвиците.
Секое пазарување нови изненадувања со екстремно високи цени. Продуктите секоја недела се поскапи, новчаниците дома ги враќаме празни, се жалат граѓаните. Платите останаа исти, пензиите не се мрднаа, а цените во плафон.
Сме се одлучиле за пазарна економија и како држава, во цената на голем дел од прозводите не можеме да реагираме, велат економистите.
Но, она што треба и требало да направи државата е обезбедување резерви на енергенси и основни суровини за производства на храна, нешто што го немаме, а сега скапо го плаќаме, Изјави Мендерес Кучи од Стопанската комора на Северозападна Македонија
Сегашните мерки на владата се ад хок и тие нема многу да му помогнат на стопанството, вели Кучи.
Премиерот Ковачевски истакна дека владата веќе работи на дефинирање на конкретни мерки за помош на стопанството, а во веќе донесениот ребаланс на Буџетот, се предвидени 76 милиони евра за оваа намена.
